L'Academia celebra lo 30 de mayo la presa de posesión d'o director de l'Instituto de l'Aragonés y la presentación d'a "Ortografía de l'aragonés"

Lo chueves 30 de mayo a las 19:00, la sala Pilar Sinués d'o Paraninfo d'a Universidat de Zaragoza acullirá l'acto solemne de presa de posesión de Juan Pablo Martínez Cortés como director de l'Instituto de l'Aragonés. Juan Pablo Martínez ye profesor d'a Universidat de Zaragoza y, dimpués de quedar vacant la dirección per la muerte d'Ánchel Conte Cazcarro lo 22 de noviembre de 2023, va estar eslechiu director de l'Instituto de l'Aragonés lo pasau 17 de chinero.

Seguiu, se presentará la publicación "Ortografía de l'aragonés", que replega en un libro lo texto d'a norma ortografica oficial aprebada per l'Academia en l'acuerdo normativo 2/2023, de 3 d'abril, y publicada en o Boletín Oficial d'Aragón lo 20 d'abril de 2023. Finalment, se rendirá homenache a la memoria d'Ánchel Conte. Este acto publico será presidiu per Francisco Beltrán Llorís, vicerrector d'Internacionalización y Cooperación d'a Universidat de Zaragoza, y a él i asistirán representants d'as institucions aragonesas.

En rematar l'acto, s'obsequiará a los asistents con un eixemplar d'a Ortografía de l'aragonés.